2026-mi maajimi aalisakkat qaleruallillu tunisat

2026-mi maajimi tunisanut kisitsisit Naatsorsueqqissaartarfimmit matumuuna saqqummersinneqarput. Kisitsisaataasivimmi nalunaarsuutit atorlugit tabelimi kisitsisit takuneqarsinnaapput, kisitsisinilu aalisakkat pingasut ukiut kingulliit tallimat ingerlanerini qaammammi pineqartumi tunisat pineqarput. Eqqumaffigineqassaarli kisitsisit 2025-moortut aamma 2026-moortut suli kisitsisaagallartutut naatsorsuussaammata.

 

Tulaassineq tassaavoq pisanut atorneqartartoq, piffissamillu pisanik usingiaaviusumik takussutissiisoq, tunisinermili pisat pineqartut qaqugukkut naatsorsuusiorneqarsimaneri aamma tunisatut nalunaarsugaasimaneri uuttortarneqartarput.

 

Pisanut, tulaassinernut aamma tunisinernut piffissat assigiinngissinnaammata annertussusiisa allanngorarneri tulleriittuaannanngillat.

 

Taamaattumillu tunisineq aningaasaqarnikkut qanoq ingerlasoqarneranik takussutissiisarpoq, tulaassinerlu aalisarnerup ingerlanneqarnerani pissusiviusunut qaninnerulluni.

 

Saarulliit, qalerallit kinguppaallu tonsinngorlugit maajimi tunisat, aalisarfiit malillugit

Suussuseq

Aalisarfik

2022

2023

2024

2025

2026

Saarullik ...

Sinerissap qanittuani

        1.620

        5.776

        4.609

        4.294

        7.814

 

Avataasiorluni

        1.669

        1.026

        1.496

        3.147

        2.478

 

Katillugit

        3.289

        6.802

        6.105

        7.441

     10.292

Qaleralik ...

Sinerissap qanittuani

        9.942

        9.497

        8.001

        6.584

        5.848

 

Avataasiorluni

               -  

               -  

           202

        3.282

        2.536

 

Katillugit

        9.942

        9.497

        8.203

        9.866

        8.384

Kinguppaat .

Sinerissap qanittuani

     12.410

     15.557

     11.962

     11.947

     10.616

 

Avataasiorluni

        9.116

        6.652

        4.162

        5.546

        5.324

 

Katillugit

     21.526

     22.209

     16.124

     17.493

     15.940

Najoqqutaq: Naatsorsueqqissaartarfik – Kisitsisaataasivimmi kisitsisit takukkit: https://bank.stat.gl/FIN012

 

Saarullinik tunisineq piffissami takutinneqartumi annertunerpaaffissaminiippoq. Qaffariaat pingaartumik sinerissap qanittuani aalisarnermit tunisanik peqquteqarpoq, avataasiornermili aalisarnermit tunisineq appariaateqarpoq.

 

Sinerissap qanittuani aalisarnermit qaleralinnik tunisineq suli appariartorpoq piffissamilu pineqartumi annikinnerpaalluni. Taamatuttaaq avataasiorluni aalisarnermit tunisat appariarput.

 

Sinerissap qanittuani aalisarnermit kinguppaat tunisat appariarput, ukiullu siuliani annertussusiinit annikinnerulerlutik. Avataasiorluni aalisarnermit tunisat allannguuteqagaanngillat.

 

Piffissami 2012-imiit 2026-mi maaji tikillugu tunisat annertussusaannnut naliginillu paasissutissat suussutsiunut, qaammatinut sumiiffinnullu immikkoortiterneqarsimasut Kisitsisaataasivimmmi nassaarineqarsinnaapput.

 

Saqqummersitsinissaq tulleq juunimut tunngasoq ulloq 6. aggusti 2026-mi saqqummissaaq.